Í gær komu Krakkahestar í sína árlegu heimsókn. Putaland, Fiskaland og Fuglaland fengu fyrst stutta fræðslu um ýmis áhöld sem notuð eru í hestamennsku. Sem dæmi mátti sjá kamb og tannbursta. Hestarnir sem komu í ár voru: „Moli, Solla stirða og Grábrók“. Krílaland og Álfland byrjuðu svo á að fara á bak og svo hinar eldri á eftir. Flestir þorðu á bak og höfðu gaman að. Að venju var svo safnast saman á hólnum í lokin þar sem Moli var kvaddur og vinkaði hann „bless“ með hófanum sínum. Klukka tók svo beislið og teymdi Mola út úr garðinum.
Krakkahestar í heimsókn
Kjarvalsstaðir
Fiskaland gerði sér með strætisvagni á Kjarvalsstaði til að skoða sýningu á listaverkum sem börnin á Sæborg hafa unnið að í vetur. Þau höfðu mjög gaman af að skoða hin ýmsu listaverk. Þar mátti til dæmis sjá beinagrindur, risaeðlur, ljón, sjónræningjaskip og fallegt hús. Strætisvagninn var þó það sem var einna skemmtilegast og börnin voru mjög glöð á leiðinni og spjölluðu mikið saman.
Tæland og Kúba
Á Fuglalandi höfum við verið með tvö landaþemu í vetur, það eru Tælenskt- og Kúbuþema. Tveir drengir á deildinni eru frá þessum löndum í aðra ætt og þess vegna urðu þessi lönd fyrir valinu. Börnin eru áhugasöm um þau lönd sem við tökum fyrir í landaþemum og það safnast skemmtilegir hlutir á þemaborðið sem krakkarnir koma með að heiman. Auk fræðslu í landafræði kennum við krökkunum nokkur orð á viðkomandi tungumáli og ræðum við þau um hefðir og menningu landanna. Þau fengu sýnikennslu í Havana-vindlagerð, horfðu á myndband um Kúbu og okkur var boðið uppá gómsæta saltfiskklatta sem eru vinsælir á Kúbu.
